БИШКЕК, 6-ноя. — Sputnik. Ош шаарында Исхак Раззаков атындагы мектептин аймагына кирип кеткен тогуз үйдүн курулушу буздурулуп жатат. Бул тууралуу калаа мэриясы билдирди.
Маалыматта мэр Бакыт Жетигенов аталган турак жай ээлери менен жолукканы айтылат. Бул жердеги үйлөр бир метрден төрт метрге чейинки аралыкка чыгып кеткен. Ушу тапта турак жайлардын дубалдары менен чарбалык курулуштары буздурулуп жатат.
Эске сала кетсек, буга чейин мэр шаардагы мектептердин аймагына мыйзамсыз кирип, курулуш жүргүзгөн тараптарды коомго ачыктап, жерлерди мектепке кайтарып алуу боюнча тапшырма берген болчу. Учурда түшүндүрүү иштери жүрүүдө.