БИШКЕК, 3-ноя. — Sputnik. УКМК палестин-израилдик куралдуу кагылыштын фонунда социалдык тармактарда жана интернет-колдонуучулар арасында Палестинада жихад кылууга чакырган комментарий, чагымчыл билдирүүлөр тарап жатканын маалымдады.
Буга байланыштуу атайын кызмат Кыргызстандын жарандарына чет мамлекеттин аймагындагы куралдуу кагылышууларга катышкан же террористтик даярдыктан өткөндөргө кылмыш жоопкерчилиги каралганын эскертүүдө.
Тагыраагы, эгерде жарандын куралдуу кагылышууга катышуу же ал жакка баруу ниети болсо, ал Кылмыш-жаза кодексинин 256-беренеси менен беш жылдан 10 жылга чейин эркинен ажыратылып, мүлкү конфискацияланат. Ошондой эле 416-берене менен жети жылдан 10 жылга чейин кылмыш жоопкерчилигине тартылышы мүмкүн.