БИШКЕК, 1-ноя. — Sputnik. Дүйнөдөгү активдүү маалыматтык чабуулдарга байланыштуу фейктер менен жалган маалымат улуттук жана маалыматтык коопсуздукка, социалдык стабилдүүлүккө коркунуч жаратат. Бул тууралуу КМШнын II медиафорумуна катышып жаткан Кыргызстандын маданият министринин орун басары Чыңгыз Эсенгул уулу билдирди.
Ал Көз карандысыз мамлекеттер шериктештиги жалган маалымат менен күрөшүүдө тажрыйбасы менен өз ара алмашышы керектигин белгиледи.
"Азыркы дүйнөнүн чындыгы, маалыматтык жана коммуникациялык технологиянын катуу өнүгүшү, КМШнын алкагында кызматташуу менен интеграцияны мындан ары кеңейтүү, биздин элдердин ортосундагы тарыхый жана маданий терең байланыштар КМШнын жашоосу жөнүндөгү түрдүү маалыматтар менен алмашууну активдештирүүнү шарттап жатат", — деди Эсенгул уулу.