БИШКЕК, 29-окт. — Sputnik. Режеп Тайип Эрдогандын сөзүнөн кийин Израилдин ТИМ башчысы Эли Коэн Түркиядагы бардык дипломатиялык өкүлдөрү үйүнө кайтышы керектигин билдирди. Бул тууралуу РИА Новости саясатчынын X соцтармагына жазган постуна таянуу менен кабарлады.
Коэндин айтымында, бул израиль-түрк мамилелерин кайра карап чыгуу үчүн жасалып жатат.
Ишембиде Эрдоган Стамбулда Палестинаны колдоо митингине чыккандардын алдында сүйлөп жатып, Украина жаңжалынын курмандыктары үчүн жашын төккөн батыштагылар азыр Газа секторунда балдар өлүп жатканын унчукпай карап турганын билдирген. Ал ошондой эле Түркия Израилди аскердик кылмышкер катары жарыялоого камынып жатканын айткан болчу.