БИШКЕК, 29-окт. — Sputnik. Ар кандай шылуундук сайттар элди алдоо үчүн финансы министри Алмаз Бакетаевдин аты-жөнү жана сүрөтүн колдонуп жатат. Бул тууралуу Финансы министрлигинин маалымат кызматы билдирди.
"Урматтуу кыргызстандыктар, ар түрдүү шылуундук сайттар таратып жаткан жалган маалыматтарга ишенбеңиздер", — деп кайрылды министрлик.
Социалдык тармактарда жана мессенжерлерде Бакетаев кыргызстандыктарга гуманитардык жардамдын уникалдуу программасын тартуулап жатканы тууралуу маалымат чыккан.
Министрлик мындай маалыматты "фейк" деп атап, аны шылуундар таратып жатканын белгиледи.