Жапаровго "Акынжы", "Аксүнгүр" аппараттарынын жөндөмдүүлүгүн көрсөтүштү. Видео

Мамлекет башчы ата мекендик өндүрүштөн чыккан сооттолгон машиналар жана дрондор менен таанышкан.
Sputnik
БИШКЕК, 29-окт. — Sputnik. Президент Садыр Жапаровдун жетекчилиги астында жаңы "Акынжы" жана "Аксүнгүр" учкучсуз учуучу аппараттарды сыноодон өткөрүштү. Бул тууралуу мамлекет башчынын маалымат катчысы Эрбол Султанбаев билдирди.
Бүгүн Балыкчыдагы "Эдельвейс" аскер полигонунда көрсөтмөлүү тактикалык-саптык машыгуулар өткөрүлгөн.
Анда Жапаров учкучсуз учуучу аппараттардын, инженердик, радиоэлектрондук күрөштүн каражаттарынын жана атылуучу куралдардын үлгүлөрү, анын ичинде ата мекендик өндүрүштөн чыккан сооттолгон машиналар жана дрондор менен таанышкан.
1 / 4

Президент Садыр Жапаровдун жетекчилиги астында жаңы "Акынжы" жана "Аксүнгүр" учкучсуз учуучу аппараттарды сыноодон өткөрүштү

2 / 4

Бүгүн Балыкчыдагы "Эдельвейс" аскер полигонунда көрсөтмөлүү тактикалык-саптык машыгуулар өткөрүлгөн

3 / 4

Анда Жапаров учкучсуз учуучу аппараттардын, инженердик, радиоэлектрондук күрөштүн каражаттарынын жана атылуучу куралдардын үлгүлөрү, анын ичинде ата мекендик өндүрүштөн чыккан сооттолгон машиналар жана дрондор менен таанышкан

4 / 4

Садыр Жапаров ири калибрлүү пулемёт менен жабдылып жана душмандын күчтөрүн, ошондой эле жапыз учкан буталары менен абадагы жана жердеги десантын жок кылууга багытталган "Тигр", "Аксум" жана "Тойота Ленд Крузер79" сооттолгон атайын унааларын, ата мекендик дрондорду көрдү

Садыр Жапаров ири калибрлүү пулемёт менен жабдылып жана душмандын күчтөрүн, ошондой эле жапыз учкан буталары менен абадагы жана жердеги десантын жок кылууга багытталган "Тигр", "Аксум" жана "Тойота Ленд Крузер79" сооттолгон атайын унааларын, ата мекендик дрондорду көрдү.

"Садыр Жапаровго "жер – аба", "аба – аба" ракеталары менен жабдылган жаңы "Акынжы" жана "Аксүнгүр" учкучсуз учуучу аппараттардын тактикалык-техникалык мүнөздөмөлөрү жана атышуу күчү көрсөтүлдү. Алар абадан жер үстүндөгү объектилерге сокку урууга жөндөмдүү. Күнү-түнү аскердик миссияларды аткарууга ылайыкталган, оптикалык жана радио-локациялык байкоо үчүн жогорку технологиялык приборлор, ошондой эле лазердик максаттуу аспаптар менен жабдылган", — деп айтылат маалыматта.

450 аттын күчүнө барабар АИ-450Т эки турбовинттүү кыймылдаткычы менен жабдылган "Акынжы" ыкчам стратегиялык абадан чалгындоо жүргүзүү, ошондой эле душмандын объектилерине авиациялык сокку уруу үчүн каралган. Максималдуу учуу ылдамдыгы саатына 361 чакырымга жетет.
1 / 6

Садыр Жапаровго "жер – аба", "аба – аба" ракеталары менен жабдылган жаңы "Акынжы" жана "Аксүнгүр" учкучсуз учуучу аппараттардын тактикалык-техникалык мүнөздөмөлөрү жана атышуу күчү көрсөтүлдү

2 / 6

Алар абадан да, жер үстүндөгү объектилерге да сокку урууга жөндөмдүү

3 / 6

Күнү-түнү аскердик миссияларды аткарууга ылайыкталган, оптикалык жана радио-локациялык байкоо үчүн жогорку технологиялык приборлор, ошондой эле лазердик максаттуу аспаптар менен жабдылган

4 / 6

450 аттын күчүнө барабар АИ-450Т эки турбовинттүү кыймылдаткычы менен жабдылган "Акынжы" ыкчам стратегиялык абадан чалгындоо жүргүзүү, ошондой эле душмандын объектилерине авиациялык сокку уруу үчүн каралган

5 / 6

Максималдуу учуу ылдамдыгы саатына 361 чакырымга жетет

6 / 6

Аксүнгүр" сокку уруучу аппарат катары визуалдык, радио-чалгындоо, кайгуулдоо үчүн дайындалган

"Аксүнгүр" сокку уруучу аппарат катары визуалдык, радио-чалгындоо, кайгуулдоо үчүн дайындалган. Бул аппарат 170 аттын күчүнө барабар TEI PD170 эки турбовинттүү кыймылдаткычы менен жабдылып, 240 чакырым саат крейсердик ылдамдыкта уча алат.
Мамлекет башчы мындан ары да Куралдуу күчтөрү күчтөнүп, жоокерлердин социалдык абалын чыңдоо, турак жай менен камсыздоо, ипотекалык программа, аскер кызматчыларынын жана үй-бүлөсүнүн татыктуу жашоосу үчүн каражат бөлүү улантыларына ишендирген.
Чек ара кызматына "Акынжы" жана "Аксүнгүр" учкучсуз учуучу аппараттар берилди