БИШКЕК, 28-окт. — Sputnik. Бүгүн Баткен шаарында Кыргызстан менен Тажикстандын топографиялык жумушчу тобунун кезектеги жолушуусу өткөнүн министрлер кабинети кабарлады.
Тараптар кыргыз-тажик мамлекеттик чек арасынын калган тилкелериндеги линияны чийүүнү талкуулашкан. Кийинки жыйын Тажикстанда өтмөй болгон.
“Жолугушуу достук жана өз ара түшүнүшүү маанайында өттү”, - деп билдирди өкмөт.
Буга чейинки жолугушууда кыргыз-тажик чек арасынын 13,98 чакырым тилкеси макулдашылган.