БИШКЕК, 28-окт. — Sputnik. Бишкекте “Эл аман” аталышындагы биринчи мамлекеттик дарыкана ачылып, ага министр Алымкадыр Бейшеналиев катышты. Бул тууралуу Саламаттык сактоо министрлиги кабарлады.
1 / 3
Бишкекте “Эл аман” аталышындагы биринчи мамлекеттик дарыкана ачылып, ага министр Алымкадыр Бейшеналиев катышты
© Фото / пресс-служба Министерства здравоохранения КР
Бейшеналиев мамлекеттик дарыканалардын ачылышы элди жеткиликтүү дары-дармек менен камсыздоо көйгөйүн чече аларын айткан.
Дарыкана Логвиненко, 30 дарегиндеги №3 үй-бүлөлүк медицина борборунда жайгашкан. Саламаттык сактоо министрлиги ал жакта 800 аталыштагы зарыл болгон препараттар бар экенин билдирди.
“Жашоочулар мамлекеттик дарыканадан дарыны 10-15 пайызга арзан ала алат”, — деп билдирди мекеме.
Министрлик 10-ноябрга чейин республика боюнча 46 мамлекеттик дарыкана ачыларын белгиледи. Ал эми дарылардын түрүн 2 миңге чейин көбөйтүү каралууда.
7 Жалган Куран 2023, 13:26