БИШКЕК, 26-окт. — Sputnik. Бишкек мэриясы коомдук транспорт үчүн өзүнчө тилке бөлүү иштерин жыйынтыктаганын кабарлады.
Маалыматта Байтик баатыр көчөсүнүн Ахунбаевден Бөкөнбаев көчөсүнө чейинки бөлүгү чийилип, жол белгилери коюлганы айтылат. Ал жерлерге коомдук транспортко кирбеген автоунаалардын бөлүнгөн тилке менен саат 07.00дөн 21.00гө жүрүүсүнө тыюу салынары көрсөтүлгөн такталар да орнотулду.
Түштүк магистралдын Жетикашкаева көчөсүнөн Байтик баатырга чейинки бөлүгүндө да коомдук транспорт үчүн өзүнчө тилке бөлүнгөн.