БИШКЕК, 26-окт. — Sputnik. УКМК маркум Камчы Көлбаевдин дагы жети асыл тукум жылкысын таап, алар алынганын кабарлады.
Буга чейин атайын кызмат кримтөбөлдүн сегиз тулпары табылганын айтып, аларды тизмектеген. Кийинки алынган жети асыл тукум жылкыны кошкондо 15 тулпардын баасы ведомстволор аралык баалоо комиссиясынын корутундусу боюнча 79 790 000 сомду түзгөн.
УКМК алынган 15 тулпардын ар бирин тизмектеп, баасын кошо көрсөткөн:
"Беш кашка" англис породасы — баасы 44 000 000 сом;
"Командор" англис породасы — баасы 26 400 000 сом;
"Раушан" англис породасы — баасы 2 200 000 сом;
"Дончак" дон-англис породасы — баасы 300 000 сом;
"Кундуз" англис породасы — баасы 900 000 сом;
"Хан сулуу" англис породасы — баасы 900 000 сом;
"Острый" аталышындагы чабылган аты — баасы 140 000 сом;
"Рошал" англис породасы — баасы 150 000 сом;
"Ай-Чолпон" таза кандуу бээ — баасы 440 000 сом;
"Ак Бермет" таза кандуу бээ — баасы 356 000 сом;
"Көк-Серек" бээси — баасы 100 000 сом;.
"Көк-Жал" айгыры — баасы 60 000 сом;
"Бактөр" аргымагы — баасы 704 000 сом;
"Бай Тору" бээси — баасы 440 000 сом;
"Эркиндик" англис породасы — баасы 2 700 000 сом.
УКМК таза кандуу жылкылар аукциондо сатылып, акча бюджетке түшө турганын кошумчалады.
Учурда кылмыш жолу менен алынган кыймылдуу жана кыймылсыз мүлктөрдү аныктоо иштери уланууда.