БИШКЕК, 25-окт. — Sputnik. Россия гемофилияга каршы гендик препараттарды өндүрөт. Бул тууралуу орфандык ооруларды (жакшы изилдене элек, дарылоо методдору белгисиз) диагностикалоо жана дарылоо боюнча Евразиялык экинчи форумдун "Чек арасыз шериктештик" сессиясында Мамлекеттик думанын ден соолукту коргоо комитетинин төрагасынын орун басары, профессор Александр Румянцев билдирди.
А жана В гемофилиясы боюнча клиникалык изилдөөлөр башталды. Бул гемофилияга каршы препараттар Россияда өндүрүлөт.
"Жакында эле А гемофилиясына каршы гендик препараттар каттоого алынды. Аны россиялык компаниялар иштеп чыккан. Элестетүү кыйын, бирок гемофилия менен ооруган бейтаптардын жашоосу эки эсеге узарды. Учурда алар Россиянын калкы орточо канча жашаса ошончо жашашат. Бул нерсе биз дарылоо жолу менен гемофилияга байланыштуу процессти толугу менен жокко чыгарганыбыздан кабар берет. Биздеги балдар практикасында майыптар, мурда В жана С гепатитин дарылоодо колдонулган препараттар аркылуу жуктуруп алган бейтаптар жок", — деди Румянцев.
Ал ошондой эле гемофилия менен жабыркаган балдардын бардыгын дарылоого кете турган каражатты РФ президенти Владимир Путин түзгөн "Жакшылык айлампасы" кайрымдуулук фонду өз мойнуна алганын кошумчалады.