БИШКЕК, 25-окт. — Sputnik. Бишкекте "Расул Гамзатовдун булактары" аттуу концерт өттү.
Иш-чара Токтогул Сатылганов атындагы Кыргыз улуттук филармониясында тартууланды. Ага акындын чыгармачылыгын сүйгөн жүздөгөн адам келди. Көрүүчүлөргө "Лезгинка" бий ансамбли, "Дагестан" вокалдык тобунун солисттери жана Дагестандын опера жана балет театрынын артисттери өнөрлөрүн тартуулашты.
Филармониянын фойесинде Гамзатовдун чыгармачылыгы, жашоосу тууралуу архивдик документтердин жана Дагестан элинин кол өнөрчүлүгүнүн көргөзмөсү болду.