БИШКЕК, 24-окт. — Sputnik. Мамлекет башчы Садыр Жапаров "Кыргызстан менен Кытайдын өкмөттөрү ортосундагы маданий борборлорду өз ара түзүү жөнүндө макулдашууну ратификациялоо тууралуу" мыйзамга кол койгонун президенттин маалымат кызматы кабарлады.
Билдирмеге караганда, аталган макулдашууга 2023-жылдын май айында Кытайдын Сиань шаарында кол коюлган.
Документтин негизинде Пекинде кыргыз маданий борбору, Бишкекте кытай маданий борбору түзүлмөкчү. Макулдашуу Кыргызстан менен Кытайдын ортосундагы маданий-гуманитардык байланыштарды чыңдоо максатын көздөйт.
Буга чейин Бишкектеги Маданий борборду кытай өкмөтү өзү каржылай турганы, ал 26-октябрга чейин ачылары айтылган.