БИШКЕК, 23-окт. — Sputnik. Абубакир Изибаев атындагы Мамлекеттик циркти оңдоо иштери үч-төрт айдан кийин бүтүп, колдонууга берилет. Бул тууралуу мамлекет башчынын иш башкаруучусу Каныбек Туманбаев "Ала-Тоо 24" телеканалына билдирген.
"Циркте демонтаж иштери бүттү. Үч-төрт айдан кийин имарат жаңыланып, колдонууга берилип калат", — деген Туманбаев.
Эске салсак, ушул жылдын июль айында президент Садыр Жапаров циркти оңдоо иштери башталганын билдирип, имаратты капиталдык реконструкциялоо долбоору иштелип чыкканын, керектүү акча каражаты бөлүнөрүн айткан.