БИШКЕК, 20-окт. — Sputnik. "Бишкек башкы архитектура" ишканасынын адистери жаңы автовокзал, "Ош" базары жана турак жай кварталы жайгашкан көп функционалдуу шаарчанын концепциясын иштеп чыгышты.
Мэриянын маалымат кызматы билдиргендей, долбоорлонуп жаткан шаарча Бишкектин түндүк тарабында, Сокулук районунда, Фучик/Василевский тар көчөсүнүн боюнда жайгашат.
Аймак төмөнкүлөргө бөлүнөт:
Турак жай шаарчасы;
"Ош" базары;
Volvo электромобилдери боюнча кызмат көрсөткөн аймак;
Автобустарга техникалык кызмат көрсөткөн аймак;
Батыш автовокзалы.
Шаарча транспорттук магистралдан 60 метрлик жашылдандыруу тилкеси менен бөлүнөт.
Долбоор боюнча кененирээк мэриянын сайтынан таанышууга болот.