БИШКЕК, 20-окт. — Sputnik. Финансы министри Алмаз Бакетаев Кыргызстандын карызы кийинки жылдары кандай төлөнөрү тууралуу маалымат берди.
Анын айтымында, үстүбүздөгү жылдын 30-июлуна карата мамлекеттик карыз 5,7 миллиард долларды түздү. Анын ичинен 78 пайызы тышкы бересе, ал 270тен ашык кредиттен турат.
Алдыңкы үч жылда төлөмдөр эң жогорку чегине жетет:
2024-жылы — 66,9 миллиард сом;
2025-жылы — 76 миллиард сом;
2026-жылы — 87,3 миллиард сом.
Министр 2033-жылга чейин тышкы карызды төлөө маселеси олуттуу бойдон каларын белгиледи.