БИШКЕК, 20-окт. — Sputnik. Бишкектин борбордук бөлүгүндө "АгроТехЭкспо-2023" агроөнөр жай көргөзмөсү өтүүдө.
Эски аянттагы көргөзмөдө айыл чарба техникасынын акыркы үлгүлөрү, кайра иштетүү өнөр жайынын жабдуулары, жаңы инновациялык технологиялар, үрөн сорттору, жер семирткичтердин түрлөрү, ветеринардык препараттар, өсүмдүктөрдү коргоо каражаттары, агрохимикаттар, асыл тукум мал жана башка айыл чарба продукциялары көрсөтүлгөн.
Көргөзмөгө министрлер кабинетинин төрагасы Акылбек Жапаров катышкан. Ал иш-чара фермерлердин тажрыйба алмашуусунун негизги аянтчасы болуп саналарын айтып, айыл чарба тармагы экономиканын өсүшүнө салым кошуп жатканын белгиледи.