БИШКЕК, 18-окт. — Sputnik. Кыргыз-тажик чек арасынын дагы 13,98 чакырым тилкеси макулдашылганын өкмөттүн маалымат кызматы кабарлады.
© Фото / пресс-служба кабинета министров КР
Билдирмеге караганда, 12-октябрдан 18-октябрга чейин Тажикстандын Согд облусунун Бустон шаарында Кыргызстан менен Тажикстандын топографиялык жана чек араны делимитациялоо, демаркациялоо боюнча жумушчу топтору жолугушуу өткөргөн.
"Анда кыргыз-тажик чек арасынын 13,98 чакырым тилкеси макулдашылды. Тараптар калган тилкелерди тактоо боюнча иштерди кийинки жолугушууда улантышат, кезектегиси Кыргызстандын аймагында болот", — деп жазылат маалыматта.
Сүйлөшүүлөрдүн жыйынтыгында тиешелүү протоколго кол коюлуп, жолугушуу достук жана өз ара түшүнүшүү маанайында өткөнү кошумчаланды.
Буга чейин кыргыз-тажик чек арасынын 43,32 чакырым тилкеси макулдашылган.