БИШКЕК, 16-окт. — Sputnik. Нарын облусуна караштуу Жумгал районунун Кызыл-Жылдыз айылында 225 орундуу жаңы мектеп пайдаланууга берилгенин аймактык кабарчы билдирди.
Билим берүү мекемесинин ачылыш аземине Жогорку Кеңештин төрагасы Нурланбек Шакиев, президенттин Нарын облусундагы ыйгарым укуктуу өкүлү Алтынбек Эргешов жана башка кызматкерлер, айыл тургундары катышкан.
Мектептин курулушу республикалык бюджеттен каржыланып, жалпы наркы 57 миллион сомду түзгөнү айтылды. Буга чейин окуучулар авариялык абалдагы эски корпустарда окуп келишкен.