БИШКЕК, 16-окт. — Sputnik. Бишкекке дагы 58 жаңы автобус алынып келгенин мэриянын маалымат кызматы кабарлады.
Билдирмеге караганда, автобустар Европа реконструкция жана өнүктүрүү банкы менен түзүлгөн келишимдин негизинде Кытайдын Golden Dragon заводунан алынган.
"Коомдук транспорт 85 адамды ташууга ылайыкташылып, 29 орундугу бар. Эки орун мүмкүнчүлүгү чектелген адамдар үчүн каралган. Салондорунда видеобайкоо системасы орнотулган", — деп айтылат кабарда.
Мэрия жүргүнчүлөргө кайрылып, жол кире акысын накталай эмес төлөм аркылуу жүргүзүүнү эскертти.