БИШКЕК, 16-окт. — Sputnik. Министрлер кабинетинин төрагасы Акылбек Жапаров иш сапары менен Абу-Дабиге барганын өкмөт кабарлады.
Маалыматта анын Соода жана өнүктүрүү боюнча дүйнөлүк инвестициялык форумдун 8-сессиясына катышары айтылган.
Министрлер кабинетинин төрагасы ошондой эле Бириккен Араб Эмирлигинин жогорку даражалуу кызмат адамдары менен жолугуп, мамлекеттик корпорациялардын жетекчилери менен сүйлөшүүлөрдү өткөрөт.