БИШКЕК, 13-окт. — Sputnik. Тажикстандын президенти Эмомали Рахмон КМШ саммитине катышуу үчүн Кыргызстанга келгенин өкмөттүн маалымат кызматы билдирди.
Ага ылайык, Рахмонду да "Манас" аэропортунан министрлер кабинетинин төрагасы Акылбек Жапаров тосуп алган. Тажикстан президенти бүгүн Бишкекте өтө турган КМШ мамлекеттеринин башчыларынын жыйынына катышмакчы. Уюмга быйыл Кыргызстан төрагалык кылууда.
Белгилей кетсек, Бишкекке Россия, Беларусь, Түркмөнстан, Азербайжан өлкөлөрүнүн башчылары келишти.