БИШКЕК, 12-окт. — Sputnik. Россия президенти Владимир Путиндин Кыргызстанга болгон сапары ири символикалуу мааниге ээ. Бул тууралуу Кыргызстандын өлкө башчысы Садыр Жапаров "Ала-Арча" резиденциясында өткөн жолугушууда билдирди.
"Сиздин сапарыңыздын символикалуу мааниси чоң. Анткени ал "Кант" авиабазасынын 20 жылдыгына жана Кыргыз-Россия Славян университетинин 30 жылдыгына туш келүүдө. Мындай белгилүү окуялар биздин эки тараптуу мамилелердин символу болуп саналат. Биз кыргыз-орус стратегиялык өнөктөштүгүн жана союздаштык мамилени жогору баалайбыз", — деди Жапаров.
Эскерте кетсек, РФ лидери Владимир Путиндин расмий сапары бүгүн башталган. Ал эртең, 13-октябрда, өтө турган КМШ мамлекет башчыларынын саммитине катышат.
12 Тогуздун айы 2023, 14:45