БИШКЕК, 12-окт. — Sputnik. Б. Ельцин атындагы Кыргыз-Россия Славян университетинде окуу жайдын 30 жылдыгына арналган концерт өттү.
Майрамдык иш-чарага ардактуу коноктор, КРСУнун бүтүрүүчүлөрү, ийгиликтүү студенттер жана башка катышуучулар келди.
Сибирь федералдык университетинин ректору Максим Румянцев, Беларусь-Россия университетинин башчысы Михаил Лустенков, Гуманитардык илимдер мамлекеттик академиялык университетинин ректорунун милдетин аткаруучу Илья Сокольщик, Санкт-Петербург политехникалык университетинин эл аралык иштер боюнча проректору Дмитрий Арсеньев КРСУнун ректоруна белектерин тапшырышты.
Концертте кыргыз элинин улуттук бийи тартууланып, орус элдик ырлар аткарылды.