БИШКЕК, 6-окт. — Sputnik. Бишкекте балдардын Кардиохирургиялык борбору ачылды.
Аталган долбоорду ишке ашырууга Россия-кыргыз өнүктүрүү фонду 1,5 миллион доллар бөлгөн. Менчик клиника имараттын ичин толугу менен оңдоп-түзөп, жаңы, жогорку технологиялуу медициналык жабдууларды алган.
Аталган медициналык мекемеде балдардын да, чоңдордун да жүрөгүнө оор операциялар жасалары белгиленди.
Россия-кыргыз өнүктүрүү фондунун башчысы Артём Новиков буга чейин өлкөдө мындай медициналык кызмат көрсөтүлбөгөнүн айтып, өлкө жарандары ири суммадагы акча сарптап чет жакка чыгып келишкенин белгилеген.