БИШКЕК, 6-окт. – Sputnik. Министрлер кабинетинин төрагасы Акылбек Жапаров мэрге Бишкекке катализатору жок автоунаа менен кирүүгө жана жүрүүгө тыюу салууну тапшырды. Бул туурасында 4-октябрда жылытуу сезонуна карата даярдык талкууланган парламенттин отурумунда айтылды.
Өкмөт башчы чектөө ноябрдан январга чейин иштеши керектигин билдирди.
“Эксперттердин айтымында, абадагы канцерогендердин 35тен 45ке чейинки пайызы автоунаалардан пайда болот. Мындан улам балдар ооруп жатат”, — деди Жапаров.