БИШКЕК, 5-окт. — Sputnik. Бишкекте КМШ жаштарынын XVII Дельфи оюндары өтөт. Бул тууралуу уюштуруучулар билдирди.
Иш-чара 6-10-октябрь аралыгында болмокчу. Кыргызстандын борборунда биринчи жолу уюштурулат.
Катышуучулар менен коноктор кыргыз элинин салт-санаасы жана маданияты менен таанышат.
Мелдешке 10 номинация боюнча 10дон 25 жашка чейинки 600гө жакын улан-кыз катышат. Конкурстун калыстар тобунун курамына 30дан ашык искусство өкүлдөрү, профессорлор менен КМШнын искусство таануу илимдеринин докторлору кирет.
Оюндардын жыйынтыгында лауреаттардын бардыгы алтын, күмүш жана коло медалдар менен сыйланат.