БИШКЕК, 4-окт. — Sputnik. Кыргызстандык балбан Жоламан Шаршенбеков Кытайда өтүп жаткан Азия оюндарынан алтын утту.
60 килограммга чейинки салмак категориясында күрөшкөн Шаршенбеков финалдык беттеште япониялык спортчу менен кармашты. Эсеп 6:6 болуп, андан соң Жоламан каршылашынын далысын жерге басып жеңишке жетти.
Азия оюндарында грек-рим күрөшү боюнча соңку ирет алтынды 2010-жылы Данияр Көбөнов алган. 13 жылдан кийин Шаршенбеков Азия чемпиону болуп отурат.
Белгилей кетсек, Жоламан Шаршенбеков жакында эле Сербияда өткөн дүйнө чемпионатында дагы алтын медалга татыган.