БИШКЕК, 4-окт. — Sputnik. КМШ өлкөлөрүнүн туруктуу ыйгарым укуктуу өкүлдөрүнүн кеңешинин кезектеги жыйыны 3-октябрда Минскиде өттү. Ага аталган шериктештиктин Башкы катчысы Сергей Лебедев катышты.
Отурумда төмөнкү маселелер талкууланды:
Чек ара аскерлеринин 2018-2022-жылдардагы кеңешинин ишмердүүлүгү. КМШга мүчө мамлекеттердин чек арачылары акыркы жылы 10 операция өткөрүп, анын жыйынтыгында чек арадан мыйзамсыз өткөн 18 миң адам кармалган. Мыйзамсыз жүгүртүлгөн бир тоннадан ашык баңгизат алынган;
Беларустун Юстиция министрлигинин сунушу менен 2027-жыл КМШ ичинде Укуктук агартуу жылы деп жарыяланды;
КМШнын Аткаруу комитетине өз ара соодадагы тоскоолдуктарды четтетүү максатында кадамдар аныкталды. Жогорку деңгээлде туруктуу иштеген жумушчу топтун отурумдарында ыкчам кароо үчүн тоскоолдуктардын тизмесин түзүү боюнча ишти улантуу тапшырылды;
Ыйгарым укуктуу өкүлдөр Бишкекте өтө турган мамлекет башчылардын, өкмөт башчылардын, тышкы иштер министрлеринин кеңешинин кезектеги отурумдарын талкуулашты.