БИШКЕК, 29-сен. — Sputnik. Бишкекте "Борбор азиялык романсиаданын" гала-концерти өттү. Бул концерт орус романсынын жаш аткаруучулары үчүн жыйынтыктоочу концерт болду.
Сахнага конкурсанттар менен биргеликте белгилүү артисттер да чыкты.
"Борбор азиялык романсиада" жетинчи ирет өтүп жатат. Мыкты наам үчүн Кыргызстан, Казакстан жана Өзбекстандан 50 катышуучу ат салышты. Баш байгени кыргызстандык Элгиз Бейшенбаев жеңип алды. Ал Москвада өтө турган "Романсиаданын" финалында өлкө атынан чыгат.
Sputnik Кыргызстандын шеф-редактору Эркин Алымбеков сынактын эң жаш катышуучуларын сыйлады.
Сынакты КР Маданият министрлиги, Россиянын Бишкектеги илим жана маданият борбору (Русский дом), "Романсиада" кайрымдуулук фонду уюштурган.