БИШКЕК, 29-сен. — Sputnik. Бүгүн кечке жуук Бишкектин борбордук бөлүгүндөгү көп кабаттуу үйлөрдүн биринен өрт чыккан. Кырсык бир адамдын өмүрүн алганын Саламаттык сактоо министрлиги тастыктады.
Алдын ала айтылган маалыматтар боюнча, өрттөн жаш бала каза болгон. Министрликтин маалымат кызматы дагы бир аял Тез жардам кызматы аркылуу ооруканага жеткирилип, кийин үйүнө чыгарылганын билдирди. Өрт толугу менен өчүрүлгөн.