ЫСЫК-КӨЛ, 28-сен. — Sputnik. Ысык-Көл облусунда ЕАЭБге мүчө мамлекеттердин Бажы кызматтарынын бириккен коллегиясынын 43-отуруму өтүп жатат.
Иш-чарага Армения (онлайн), Россия, Беларусь, Казакстан жана Кыргызстандын бажы органдарынын өкүлдөрү катышууда.
Күн тартибине маанилүү 16 суроо киргизилген. Анын ичинде навигациялык пломба, жеке колдонуу үчүн каралган автоунаалардын тизмесине толуктоолорду киргизүүгө байланышкан маселе бар.