БИШКЕК, 24-сен. — Sputnik. Кыргызгидромет агенттиги 24-30-сентябрь аралыгында боло турган аба ырайынын божомолу тууралуу маалымат берди.
Синоптиктердин божомолунда, алдыдагы апта жаан-чачындуу болот.
Кыргызстандын көпчүлүк аймактарында батыштан соккон шамалдын ылдамдыгы секундасына 4-9 метрге чейин жетет.
Чүй жана Талас облустары
Жуманын башында күн ачык болот. 27-30-сентябрь күндөрү тоолуу райондордо жамгыр жаашы күтүлөт, ал эми дыйканчылык аймактарда күндүн көзү бузулбайт. Батыштан соккон шамалдын ылдамдыгы секундасына 4-9 метрге жетет.
Ош, Жалал-Абад жана Баткен облустары
24-25-сентябрда жаан-чачын күтүлбөйт. 26-сентябрда күндүз тоолуу райондордо жаан жаайт. Эртеси күн ачылып, 28-сентябрдан тарта аба ырайы кайрадан жаан-чачындуу болот.
Ысык-Көл жана Нарын облустары
Аптанын башында күн ачык болот. 27-30-сентябрда көпчүлүк аймактарда жаан жаап, бийик тоолуу райондорго кар түшүшү күтүлөт.
Батыштан соккон шамалдын ылдамдыгы секундасына 4-9 метрге жетет.