БИШКЕК, 21-сен. — Sputnik. Россиялык тынчтык орнотуучулар Тоолуу Карабахтын аймагында милдетин аткарууну улантып жатат.
Sputnik Ближнее зарубежье Telegram-каналы видео жарыялады.
Баку, Ереван, Степанакерт менен биргеликте жай жарандар арасында кан төгүүгө жол бербөө, коопсуздукту камсыздоо жана гуманитардык нормаларды сактоо боюнча тынымсыз аракеттер жасалууда. Буга Россиянын тынчтык орнотуучуларынын коопсуздугун сактоо да кирген.
Согуштук аракеттер башталгандан тарта РФтин тынчтык орнотуучуларынын күчү менен Мардакерт, Мартуни жана Аскеран райондорунан жай тургундар эвакуацияланган. Алар беш миңге чукул адамды жеткиришкен. Тоолуу Карабахтын коопсуз жайга жайгаштырылган жашоочулары эс ала турган жай жана ысык тамак-аш менен камсыздалган. Ал эми Россиянын атайын даярдыктагы отрядынын медиктери тургундарга зарыл болгон квалификациялуу жардамды көрсөтүүдө.