Манаста күтүүсүз, кокустан, байкоосуздан дегенди түшүндүргөн "түккап" деген көөнө сөз бар. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.
Анын айтымында, "Манас" эпосу — кыргыздын гана эмес, адамзаттын улуу мурасы.
"Манаста "түккап" деген сөз кездешет. Анын мааниси кокустан, байкоосуздан, күтүлбөгөн жерден дегенди билдирет. Эпосто "түккап кирип кашайып, түкшүмөлдөп калбайлы, түйшүк-башты салбайлы" деп кандуу казаттагы чалгын учурунда айтылат. Анын сыңарындай, күтүүсүз учурда "түккап" сөзүн колдоно жүрөлү", — деди Талантбеков.
Ошондой эле ал көөнө сөздөрдү кийинки муундарга жеткирүү ар бирибиздин милдетибиз экенин кошумчалады.