БИШКЕК, 16-сен. — Sputnik. Бүгүн, 16-сентябрда, Кой-Таш айылындагы №73809 аскер бөлүгүнүн шаарчасында аскер кызматчыларынын балдарына арналган социалдык-билим берүү комплексинин курулушуна капсула салынды. Ошондой эле жаңы спорт комплексинин ачылыш аземи өткөнүн Коргоо министрлигинин маалымат кызматы билдирди.
"Долбоор 60 орунга ылайыкталган бала бакчаны, жыйындар залы менен билим берүү борборун, чет тилдер, компьютер жана тигүү класстары менен оюн аянтчасын камтыйт", — деп айтылат маалыматта.
Курулуш иштери аяктаган соң керектүү жабдыктар жана эмеректер берилип, комплекстин аймагы көрктөндүрүлөт.