БИШКЕК, 16-сен. — Sputnik. Ак үйдүн маалымат катчысы Карин Жан-Пьер АКШ президенти Жо Байдендин 80 жашы — жаңы 40 жаш экенин билдирди. Бул тууралуу РИА Новости жазды.
Жан-Пьер сурамжылоодо Байдендин курагына тынчсызданган америкалыктардын суроолоруна жооп берип жатып, “сексен жылдык — бул жаңы 40 жылдык маараке, уккан жок белеңер?” деп жооп берди.
Маалымат катчынын айтымында, Байдендин жашы тууралуу суроо байма-бай көтөрүлүп келет. Бирок президент ар дайым жогорку деңгээлде, башка саясатчылар жетпеген натыйжаларды көрсөтөт.
Байден АКШнын тарыхындагы эң кары президент. Ал көп учурда ыңгайсыз кырдаалдарга туш болот, адашып, тайгаланып жыгылып калган учурлар көп кездешет. Ошентсе да ал 2024-жылы экинчи мөөнөткө шайланууга ниеттенүүдө.