БИШКЕК, 15-сен. — Sputnik. Россиялык Су-34 бомбалагычтары НАТО менен чыр-чатак болуп кетсе даяр туруш үчүн кайра жасалып чыкканын РИА Новостиге маалымат булагы кабарлаган.
Эми бул аба техникалары узак аралыкка ылайыкталган канаттуу ракеталарды ташып жүрө алат, алар мурдараак Украинадагы атайын операцияда колдонулган.
"Ракета деле учак сыяктуу жаңы эмес, эми экөө бир комплектиге бириктирилди. Жаңы кабыл алынган чечим ракета менен учактын жатыктыгын арттырат. Кокус НАТОго мүчө-өлкөлөр менен чатак болуп кетсе, Су-34 стратегиялык тапшырмаларды аткаруу үчүн колдонулат", — деген маалымат берген адис.
Буга чейин Fighterbomber Telegram каналы Су-34 атайын операция зонасында пландоо жана коррекциялоо боюнча ар тараптуу модулдар менен салмагы 1,5 тонна болгон, башкарылбай турган ФАБ-1500 бомбаларын колдоно баштагандыгын билдирген эле. Ал түшүп келе жаткан бомбага тагылат да, башкарыла тургандай болот. Модулдун жазыла турган канаты, рулу, башкаруу системасы бар, ал бомбаны автоматтык режимде бутага багыттайт. Су-34 аба ырайынын кайсы гана шартында болбосун, жердеги, суу алдындагы жана абадагы бутаны талкалап түшөт.
Учактын экипажы эки адамдан турат жана сегиз тонна курал менен 12 пунктудан чабуул коюуга мүмкүнчүлүгү жетет. Кийинчерээк ал талкалоочу жаңы жабдыктуу болгон. Муну менен катар эле самолеттун борттук электрондук техникалары жакшыртылган. Жаңыланган учак чалгындоо иштери үчүн көп багыттуу тагылма контейнерлерди колдонушу мүмкүн. Булар каршылаш тараптын параметрлери менен координаттарын жогорку тактыкта көрсөтүп берет.
Су-34 истребитель-бомбалоочу учагы оперативдүү жана тактикалык жактан жердеги буталарга так ракеталык жана бомбалык сокку урууга, ошондой эле абадагы буталарды жок кылууга арналган.