Украина Куралдуу күчтөрү туткунга түшкөн россиялык жоокерди миналанган талаа менен басууга мажбурлашкан. Бул туурасында РИА Новости маалымат булагына таянып билдирген.
Жагымсыз бул видеону украиналык блиндаждагы телефондордун биринен табышкан.
"Анда Украинанын Куралдуу күчтөрү биздин балдарды миналанган талааны көздөй кубалап жатканын көрүп жана "эгерде жетип алсаң, анда бошсуң" деп жатканын угууга болот", — деп айтып берген маалымат берген киши.
Куралсыз кишилерди алар автомат такап ары көздөй айдашкан. Украиналыктардын бири россиялык жоокер тарапты көздөй ок жаадырган. Видеонун аягында талаадан жарылуунун үнүн угууга болот.
Буга чейин БУУ Украинанын Куралдуу күчтөрүнүн россиялык жоокерлерди басмырлап кордогон учурлары болгонун тааныган. Ага чейин туткунга түшкөн аскерлерди аткан учурлардын видеосу тараган.
Россиянын Тергөө комитети бул боюнча иликтөөнү баштады. Тергөөчүлөр окуянын кайсы жерде, качан, кандай жагдайда болгонун тактап баштаганын билдиришти.
Тема боюнча: