БИШКЕК, 14-сен. — Sputnik. Айыл чарба министрлиги агроөнөр жай тармагынын кызматкерлеринин күнүнө карата "Мыкты чарбакер" сынагын жарыялайт. Бул тууралуу мекемеден маалымдашты.
Билдирмеге ылайык, өлкөдө агроөнөр жай тармагынын кызматкерлеринин кесиптик майрамы 20-октябрда белгиленет.
Сынак айыл чарба тармагында төмөнкү 14 номинация боюнча өткөрүлөт:
Кыргыз Республикасында органикалык чарбаны өнүктүрүүгө кошкон салымы үчүн;
Кыргыз Республикасынын балык тармагын өнүктүрүүгө кошкон салымы үчүн;
агроөнөр жай комплексиндеги мыкты инновация үчүн;
айыл чарба чөйрөсүндөгү мыкты стартап үчүн;
агроөнөр жай комплексиндеги илимий жетишкендиктери үчүн;
мал чарбасындагы жетишкендиктери үчүн;
мелиорациядагы жетишкендиктери үчүн;
мыкты механизатор;
мыкты багбан;
мыкты ветеринар;
үлгүлүү асыл тукум чарбасы;
үлгүлүү үрөнчүлүк чарбасы;
үлгүлүү айыл чарба кооперативи;
мыкты айыл чарба продукциясын кайра иштетүүчү жана өндүрүүчү.
Министрликтен айтылгандай, сынак өлкөнүн айыл чарба тармагынын өкүлдөрүнө дем берүү максатында уюштурулат. Маалыматта анын жеңүүчүлөрү баалуу белектер менен сыйланышары айтылган.