БИШКЕК, 10-сен. — Sputnik. Президент Садыр Жапаров бүгүн, 10-сентябрда, Чолпон-Ата шаарындагы өзгөчө шыктуу балдардын президенттик "Акылман" лицейине пландан тышкары барганын анын маалымат кызматы билдирди.
Кабарда өлкө башчы окуучулар менен окуу программасы, жетишкендиктери жана келечек тууралуу маектешкени айтылат. Ошондой эле Жапаров мотивация катары ар бир балага өзүнүн атынан планшет тартуулады.
"Мамлекет башчысы мындан ары окуунун жүрүшүндө алынган билим өлкөнүн жана коомдун жыргалчылыгы үчүн багытталышы керектигин белгиледи", — деди маалымат кызматы.