БИШКЕК, 28-авг. — Sputnik. Кыргызстанга россиялык делегация келгенин РФтин КРдеги соода өкүлчүлүгү кабарлады.
Делегация жыл сайын өтүүчү Россия-Кыргыз аймактар аралык конференциясына даярдык көрүүнүн алкагында келди.
РФ президентинин Аймактар аралык жана чет элдик мамлекеттер менен маданий байланыш түзүү башкармалыгынын жетекчиси Игорь Маслов башында турган делегация учурда Жалал-Абад облусунда жүрөт. Сапарга КРдин РФтеги элчиси Гүлнара Клара-Самат, РКӨФ башкаруучулугунун жетекчиси Артем Новиков, РФтин КРдеги соода өкүлү Айнур Саманова жана россиялык бизнестин өкүлдөрү барган.
27-август күнү делегация Нарын дарыясына Камбар-Ата ГЭС-1 жана ГЭС-2 электростанция каскадын куруу боюнча масштабдуу долбоорду ишке ашыруу боюнча пландар менен таанышты. Ошондой эле гидроэнергетика жаатында кызматташуунун келечегин талкуулашты.
Кара-Көлдө "Достук" заводунун жетекчилиги менен жолугушуу өттү. Тараптар россиялык инвесторлордун катышуусу менен өндүрүш түзүү мүмкүнчүлүгүн талкуулашты. Таш кагазын жана биобаштык өндүрүүгө өзгөчө көңүл бурулду.
Делегация Жалал-Абад, Ош, Баткен облустарында ишин улантат.