БИШКЕК, 28-авг. — Sputnik. Кыргызстанга салынган түз инвестициялардын үчтөн бир бөлүгүнөн ашыгы ЕАЭБ мамлекеттерине туура келет.
Улуттук статистика комитетинин соңку маалыматтары боюнча, I кварталда 49 мамлекеттен 170,9 миллион долларлык түз инвестиция жасалган.
Алдыңкы үчтүккө кирген мамлекеттер:
Россия — 44 миллион 759,6 миң доллар;
Кытай — 29 миллион 351,8 миң доллар;
Улуу Британия — 17,8 миллион доллар.
Эгер ЕАЭБ мамлекеттерин ала турган болсок, Россиядан, Казакстандан, Армениядан жана Беларустан жалпы жонунан 58,4 миллион доллар инвестиция кирген. Бул чет элдик инвестициянын көлөмүнүн 34 пайызын түзөт.