БИШКЕК, 26-авг. — Sputnik. Жол кыймылы коопсуздугун камсыздоо башкы башкармалыгы Жалал-Абад облусунда "Автоураган" стационардык программалык-аппараттык комплекси иштеп жатканын билдирди.
Башкармалык "Автоураган" 3 сааттын ичинде жол эрежеси бузулган 38 фактыны аныктаганын айтты. Алардын ичинен:
19 автоунаа айып короого токтотулган;
3 айдоочу айып пулун өз убагында төлөбөй сотко жөнөтүлгөн;
4 айдоочунун тийиштүү документи болгон эмес;
1 киши жасалма мамлекеттик номер менен жүргөн;
2 айдоочу терезелерин мыйзамсыз караңгылаткан;
3 айдоочу карама-каршы тилкеге чыгып айдаган;
7 айдоочу дагы башка жол эрежелерин бузган.
Жалпы 29 айдоочунун унаасы убактылуу айып короого токтотулган.
Жол эрежелерин одоно бузган айдоочуларга карата рейддик иш-чара Жалал-Абад жана Ош шаарларында да уланары айтылды.