Салык кызматы учурда ар түрдүү тренингдерди өткөрүүдө. Алар мектеп окуучуларына, студенттерге арналган. Максаты — жаштар арасында салык төлөөнүн маанилүүлүгүн түшүндүрүү. Бул тууралуу Айнура Султаналиева Sputnik Кыргызстан радиосуна маек куруп жатып билдирди.
Анын айтымында, ак ниет салык төлөгөн коомдун өсүп жетилишине ата-энелер да салым кошушу абзел.
"Биз салык төксөк экономикабыз көтөрүлүп, социалдык маселелер өз убагында чечилерин түшүнүшүбүз шарт. Муну балдарыбызга да жеткирип турушубуз керек. Эгер келечек муунду мекенчил кылып тарбияласак, аларда салык төлөө маданияты да жогору болот. Андыктан Мамлекеттик салык кызматы эле эмес жалпы коом ак ниет салык төгүүчү жаранды өстүрүп чыгуу зарылдыгын сезиши керек. Өз кезегинде мамлекет да карап отурбай элге түрдүү жеңилдиктерди, ыңгайлуулуктарды түзүп берет", — деди Султаналиева.
Ал салык боюнча суроолор жаралса 116 кыска номерине чалса болорун кошумчалады.