БИШКЕК, 26-авг. — Sputnik. Жекшембиде күндүз көпчүлүк аймактарда жаан жаап, күн күркүрөшү, бийик тоолуу райондордо кар жаашы мүмкүн. Кээ бир жерлерде жаан-чачын катуу жаашы күтүлөт. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрден айрым учурда 15-20 метрге жетет.
Абанын температурасы Чүй өрөөнүндө +24...+29, Таласта +22...+27, Ош, Жалал-Абад жана Баткен облустарында +25...+30, Ысык-Көлдө +21...+26 жана Нарында +22...+27 градус болот.
Термометр бул күнү Бишкекте +25...+27, Чолпон-Атада +21...+23 жана Ош шаарында +28...+30 градусту көрсөтөт.