БИШКЕК, 24-авг. — Sputnik. Нарын облусунда селден жабыркаган үй-бүлөлөргө 1 миллион 164,3 миң сом берилди. Бул туурасында аймактык кабарчы билдирди.
Нарын облусунда селден жабыркаган үй-бүлөлөргө 1 миллион 164,3 миң сом берилди
© Sputnik / Алмазбек Омурзаков
Быйыл 13-июлда болгон селден Жумгал районунун Чаек жана Беш-Терек айылдарындагы жүздөн ашык турак жайды суу каптаган. Алардын ичинен камсыздандырылган 10 үй-жайга Мамлекеттик камсыздандыруу уюму тарабынан 1 миллион 164,3 миң сом каражат бөлүнгөн.
Мамлекеттик камсыздандыруу уюмунун Нарын облусундагы филиалынын директору Арстанбек Алымканов быйыл жыл башынан бери облустун аймагындагы 13 турак жайга 1 миллион 242,3 миң сом каржылык колдоо көрсөтүлгөнүн билдирди.