"Эт сатып аларда эми кардарлар азык тууралуу кенен маалыматка дароо ээ боло алышат. Атайын тиркеменин жардамы менен коюлган QR-коддо эмненин эти, малдын качан союлганы, жашы, алган вакциналары тууралуу маалымат камтылат. Мындай ыкма эт продукциясынын союлган жеринен баштап, канча жолу ветеринардык экспертизадан өткөндүгү жана бул малдын этин сатууга уруксаты бар-жогу тууралуу маалыматтардын баарын берет. Азырынча чийки этке, андан соң эт азыктарына киргизилет. Бул жерде бодо малдын эти гана система аркылуу көзөмөлдөнүүдө. Учурда майда малды идентификациялоо иштери толук аягына чыга элек. Андан соӊ сүттөн жасалган продукциялар кийинки этап менен ишке ашат. Балык, үй канаттуулары, бал аарылары каттоодон өтүп, алардын кыймылын көзөмөлдөө системасы иштелип жатат", — деди Майканов.