БИШКЕК, 21-авг. — Sputnik. Ысык-Көлдө акчалуу кыргызстандыктарга кол салуу уюштурууга шектелип Россия жараны кармалганын УКМК кабарлады.
Тонолгон акчаны 28 жаштагы шектүү эл аралык топтордун бирин каржылоого жумшоону пландаштырган.
Атайын кызмат кармалган эркек киши радикалдык идеологиянын жактоочусу экенин белгилеп, Сириядагы террордук топтун эмиссарларынын буйругу менен иштегенин, бир жылдан бери издөөдө жүргөнүн кошумчалады.
УКМКнын маалыматы боюнча, январда шектүү башка мекендешинин паспорту менен чек араны мыйзамсыз кесип өткөн. Ушу тапта комитеттин убактылуу кармоочу жайына киргизилди.