БИШКЕК, 19-авг. — Sputnik. Үрүмчүдө өткөн Кыргыз-кытай бизнес-форумунда 1 миллиард доллардан ашык келишимге кол коюлду. Бул туурасында министрлер кабинетинин маалымат кызматы билдирди.
Жалпысынан 29 документке кол коюлган. Анын ичинде төмөнкүлөр бар:
"Кыргыз көмүр" мамлекеттик ишканасы бир нече кытайлык компания менен Ак-Улак, Беш-Бурхан, Тегене, Торугарт, Торугарт-1, Кара-Кабак Балыкты, Сүлүктү талаа-11 көмүр кендерин биргелешип казуу жөнүндө 7 келишимге кол койду;
"Торугарт" жана "Эркеч-Там" өткөрүү пунктуларынын жанына ленталык конвейери менен көмүр логистикалык борборун куруу жөнүндө эки макулдашуу;
Экономика министрлиги жана Кытайдын Gree Altairnano New Energy Co. Ltd. компаниясынын ортосуна энергиянын кайра жаралуу булактары менен жүрө турган автобустарды чогултуу заводун куруу боюнча өз ара түшүнүшүү жана кызматташуу меморандуму;
Энергетика тармагындагы бир катар документтер, тагыраагы, күн электр станциялары долбоорун ишке ашыруу, Сары-Жаз ГЭСтер каскадын куруу тууралуу макулдашуу;
Кыргызстандан бал, эт жана балык экспорттоо боюнча келишим.
Кол коюлган документтердин тизмеси толугу менен өкмөттүн сайтына жарыяланды.